દેશના લાખો ખેડૂતો માટે મહત્વના સમાચાર છે. PM Kisan Samman Nidhi યોજનાનો 22મો હપ્તો 13 માર્ચે જાહેર થવાનો છે. વડાપ્રધાન નરેન્દ્ર મોદી આસામના ગુવાહાટી શહેરમાંથી કુલ લગભગ ₹18,640 કરોડ ખેડૂતોના ખાતામાં ટ્રાન્સફર કરશે.
ખેડૂતો લાંબા સમયથી આ રકમની રાહ જોઈ રહ્યા હતા, અને હવે તેઓને ₹2,000ની નવી કિસ્ત મળવાની છે.
પૈસા કેટલા વાગ્યે ખાતામાં જમા થશે?
- માહિતી મુજબ વડાપ્રધાન મોદીનો કાર્યક્રમ 13 માર્ચે સાંજે લગભગ 5:00 વાગ્યે શરૂ થવાનો છે.
- એટલે શક્યતા છે કે સાંજે 5 વાગ્યા પછી એક ક્લિકથી ખેડૂતોના ખાતામાં ₹2,000 ટ્રાન્સફર થશે.
- પૈસા જમા થતાં જ ઘણા ખેડૂતોને તેમના રજિસ્ટર્ડ મોબાઇલ નંબર પર SMS દ્વારા સૂચના પણ મળશે.
જો કે, ક્યારેક ટેક્નિકલ પ્રક્રિયા કારણે કેટલાક ખેડૂતોના ખાતામાં પૈસા દેખાવામાં થોડા કલાકો અથવા બીજા દિવસ સુધી સમય લાગી શકે છે. તેથી જો તરત જ મેસેજ ન આવે તો ચિંતા કરવાની જરૂર નથી.
ખેડૂતોને કુલ કેટલા પૈસા મળશે?
PM-Kisan Samman Nidhi યોજના હેઠળ પાત્ર ખેડૂતોને દર વર્ષે ₹6,000ની આર્થિક સહાય આપવામાં આવે છે.
આ રકમ ત્રણ હપ્તામાં આપવામાં આવે છે:
- દરેક હપ્તો: ₹2,000
- વર્ષમાં કુલ સહાય: ₹6,000
13 માર્ચે આવનારો હપ્તો ચાલુ નાણાકીય વર્ષનો છેલ્લો હપ્તો ગણાય છે.
PM-Kisanના પૈસા કેવી રીતે ઉપાડી શકાય?
ખેડૂતો તેમના ખાતામાં જમા થયેલા ₹2,000 સરળ રીતે ઉપાડી શકે છે:
- ATMમાંથી ડેબિટ કાર્ડ દ્વારા
- બેંક બ્રાન્ચમાંથી સીધા
- માઇક્રો ATM અથવા CSP સેન્ટર (આધાર આધારિત ઉપાડ)
- UPI અથવા મોબાઇલ બેંકિંગ દ્વારા ટ્રાન્સફર
કારણ કે આ રકમ સીધી બેંક ખાતામાં જમા થાય છે, તેથી ખેડૂતો પોતાની સુવિધા પ્રમાણે તેને ઉપયોગમાં લઈ શકે છે.
